📿 Digital Chanting Book บทสวดมนต์

กะถัญจะ ภิกขุ ธัมเมสุ ธัมมานุปัสสี วิหะระติ, อิธะ ภิกขุ อัชฌัตตัง วา ธัมเมสุ ธัมมานุปัสสี วิหะระติ, พะหิทธา วา ธัมเมสุ ธัมมานุปัสสี วิหะระติ, อัชฌัตตะพะหิทธา วา ธัมเมสุ ธัมมานุปัสสี วิหะระติ. สะมุทะยะธัมมานุปัสสี วา ธัมเมสุ วิหะระติ, วะยะธัมมานุปัสสี วา ธัมเมสุ วิหะระติ, สะมุทะยะวะยะธัมมานุปัสสี วา ธัมเมสุ วิหะระติ. อัตถิ ธัมมาติ วา ปะนัสสะ สะติ ปัจจุปัฏฐิตา โหติ, ยาวะเทวะ ญาณะมัตตายะ ปะติสสะติมัตตายะ, อะนิสสิโต จะ วิหะระติ, นะ จะ กิญจิ โลเก อุปาทิยะติ, เอวัง โข ภิกขุ ธัมเมสุ ธัมมานุปัสสี วิหะระติ.

Kathañca bhikkhu dhammesu dhammānupassī viharati, idha bhikkhu ajjhattaṃ vā dhammesu dhammānupassī viharati, bahiddhā vā dhammesu dhammānupassī viharati, ajjhattabahiddhā vā dhammesu dhammānupassī viharati. Samudayadhammānupassī vā dhammesu viharati, vayadhammānupassī vā dhammesu viharati, samudayavayadhammānupassī vā dhammesu viharati. Atthi dhammāti vā panassa sati paccupaṭṭhitā hoti, yāvadeva ñāṇamattāya patissatimattāya, anissito ca viharati, na ca kiñci loke upādiyati, evaṃ kho bhikkhu dhammesu dhammānupassī viharati.

And how does a monk dwell contemplating mind-objects in mind-objects? Here a monk dwells contemplating mind-objects in mind-objects internally, or externally, or both; contemplating their arising, or their passing away, or both. Or his mindfulness that 'there are mind-objects' is established just far enough for knowing and remembering. And he dwells independent, clinging to nothing in the world. That is how a monk dwells contemplating mind-objects in mind-objects.

อะยัง โข เตนะ ภะคะวะตา ชานะตา ปัสสะตา อะระหะตา สัมมาสัมพุทเธนะ, เอกายะโน, มัคโค สัมมะทักขาโต, สัตตานัง วิสุทธิยา, โสกะปะริเทวานัง สะมะติกกะมายะ, ทุกขะโทมะนัสสานัง อัตถังคะมายะ, ญายัสสะ อะธิคะมายะ, นิพพานัสสะ สัจฉิกิริยายะ, ยะทิทัง, จัตตาโร สะติปัฏฐานาติ.

Ayaṃ kho tena bhagavatā jānatā passatā arahatā sammāsambuddhena, ekāyano, maggo sammadakkhāto, sattānaṃ visuddhiyā, sokaparidevānaṃ samatikkamāya, dukkhadomanassānaṃ atthaṅgamāya, ñāyassa adhigamāya, nibbānassa sacchikiriyāya, yadidaṃ, cattāro satipaṭṭhānāti.

This is the one-way path declared by the Blessed One who knows and sees, the Arahant, the Perfectly Awakened One, rightly proclaimed: for the purification of beings, for the surmounting of sorrow and lamentation, for the ending of pain and grief, for the attaining of the method, for the realising of Nibbana — namely, the four foundations of mindfulness.

เอกายะนัง ชาติขะยันตะทัสสี มัคคัง ปะชานาติ หิตานุกัมปี เอเตนะ มัคเคนะ ตะริงสุ ปุพเพ ตะริสสะเร เจวะ ตะรันติ โจฆันติ.

Ekāyanaṃ jātikhayantadassī maggaṃ pajānāti hitānukampī etena maggena tariṃsu pubbe tarissare ceva taranti coghanti.

Seeing the ending of birth, compassionate for welfare, he knows the one-way path. By this path they crossed over before, they will cross over, and they cross over now — the flood.

เอวัมเม สุตัง. เอกัง สะมะยัง ภะคะวา กุรูสุ วิหะระติ กัมมาสะธัมมัง นามะ กุรูนัง นิคะโม. ตัตระ โข ภะคะวา ภิกขู อามันเตสิ ภิกขะโวติ. ภะทันเตติ เต ภิกขู ภะคะวะโต ปัจจัสโสสุง. ภะคะวา เอตะทะโวจะ.

Evamme sutaṃ. Ekaṃ samayaṃ bhagavā kurūsu viharati kammāsadhammaṃ nāma kurūnaṃ nigamo. Tatra kho bhagavā bhikkhū āmantesi bhikkhavoti. Bhadanteti te bhikkhū bhagavato paccassosuṃ. Bhagavā etadavoca.

Thus have I heard. At one time the Blessed One was staying among the Kurus, at a market town of the Kurus called Kammasadhamma. There he addressed the monks: 'Monks.' 'Venerable sir,' they replied, and the Blessed One said this.

เอกายะโน อะยัง ภิกขะเว มัคโค สัตตานัง วิสุทธิยา, โสกะปะริเทวานัง สะมะติกกะมายะ, ทุกขะโทมะนัสสานัง อัฏฐังคะมายะ, ญายัสสะ อะธิคะมายะ, นิพพานัสสะ สัจฉิกิริยายะ. ยะทิทัง. จัตตาโร สะติปัฏฐานา. กะตะเม จัตตาโร.

Ekāyano ayaṃ bhikkhave maggo sattānaṃ visuddhiyā, sokaparidevānaṃ samatikkamāya, dukkhadomanassānaṃ aṭṭhaṅgamāya, ñāyassa adhigamāya, nibbānassa sacchikiriyāya. Yadidaṃ. Cattāro satipaṭṭhānā. Katame cattāro.

This, monks, is the one-way path for the purification of beings, for the surmounting of sorrow and lamentation, for the ending of pain and grief, for the attaining of the method, for the realising of Nibbana — namely, the four foundations of mindfulness. Which four?