📿 Digital Chanting Book บทสวดมนต์

ยัง ยัง เทวะมะนุสสานัง มังคะลัตถายะ ภาสิตัง

Yaṃ yaṃ devamanussānaṃ maṅgalatthāya bhāsitaṃ

Whatever has been spoken for the blessing of devas and humans,

ตัสสะ ตัสสานุภาเวนะ โหตุ ราชะกุเล สุขัง.

Tassa tassānubhāvena hotu rājakule sukhaṃ.

by the power of each such word, may there be happiness in the royal house.

เย เย อารักขะกา เทวา ตัตถะ ตัตถาธิวาสิโน

Ye ye ārakkhakā devā tattha tatthādhivāsino

Whatever guardian devas dwell in this place and that,

อิมินา ธัมมะทาเนนะ สัพเพ อัมเหหิ ปูชิตา.

Iminā dhammadānena sabbe amhehi pūjitā.

may they all be honoured by us with this gift of Dhamma.

สะทา ภัท๎รานิ ปัสสันตุ สุขิตา โหนตุ นิพภะยา

Sadā bhadrāni passantu sukhitā hontu nibbhayā

May they always see auspicious things; may they be happy and free of fear;

อัปปะมัตตา จะ อัมเหสุ สัพเพ รักขันตุ โน สะทา.

Appamattā ca amhesu sabbe rakkhantu no sadā.

and being heedful concerning us, may they all guard us always.

ยัญจะ โน ภาสะมาเนหิ กุสะลัง ปะสุตัง พะหุง

Yañca no bhāsamānehi kusalaṃ pasutaṃ bahuṃ

And whatever abundant merit has been produced by our reciting,

ตันโน เทวานุโมทันตุ จิรัง ติฏฐันตุ สาตะตัง.

Tanno devānumodantu ciraṃ tiṭṭhantu sātataṃ.

may the devas rejoice in it, and may they stand long and unbroken.

เย วา ชะลาพุชัณฑะชา สังเสทะโชปะปาติกา

Ye vā jalābujaṇḍajā saṃsedajopapātikā

And whatever beings are womb-born or egg-born, moisture-born or spontaneously arisen,

อะเวรา โหนตุ สัพเพ เต อะนีฆา นิรุปัททะวา.

Averā hontu sabbe te anīghā nirupaddavā.

may they all be free of enmity, free of affliction, free of misfortune.

ปัสสันตุ อะนะวัชชานิ มา จะ สาวัชชะมาคะมา

Passantu anavajjāni mā ca sāvajjamāgamā

May they see what is blameless, and may nothing blameworthy come upon them.

จิรัง ติฏฐะตุ โลกัส๎มิง สัมมาสัมพุทธะสาสะนัง.

Ciraṃ tiṭṭhatu lokasmiṃ sammāsambuddhasāsanaṃ.

Long may the teaching of the Perfectly Self-Awakened One stand in the world,

ทัสเสนตัง โสตะวันตูนัง มัคคัง สัตตะวิสุทธิยา

Dassentaṃ sotavantūnaṃ maggaṃ sattavisuddhiyā

showing to those who have ears the path to the purification of beings.

ยาวะ พุทโธติ นามัมปิ โลกะเชฏฐัสสะ สัตถุโน

Yāva buddhoti nāmampi lokajeṭṭhassa satthuno

For as long as even the name 'Buddha' — of the Teacher, chief of the world,

สัมมาเทสิตะธัมมัสสะ ปะวัตตะติ มะเหสิโน

Sammādesitadhammassa pavattati mahesino

the great sage whose Dhamma was rightly taught — continues,

ปะสันนา โหนตุ สัพเพปิ ปาณิโน พุทธะสาสะเน.

Pasannā hontu sabbepi pāṇino buddhasāsane.

may every living being have faith in the Buddha's teaching.

สัมมา ธารัง ปะเวจฉันโต กาเล เทโว ปะวัสสะตุ

Sammā dhāraṃ pavecchanto kāle devo pavassatu

Pouring down its stream in right measure, may the rain-deva rain in season,

วุฑฒิภาวายะ สัตตานัง สะมิทธัง เนตุ เมทะนิง.

Vuḍḍhibhāvāya sattānaṃ samiddhaṃ netu medaniṃ.

and bring the earth to abundance, for the growth of beings.

มาตา ปิตา จะ อัต๎ระชัง นิจจัง รักขันติ ปุตตะกัง

Mātā pitā ca attajaṃ niccaṃ rakkhanti puttakaṃ

As a mother and a father always guard the little child born of them,

เอวัง ธัมเมนะ ราชาโน ปะชัง รักขันตุ สัพพะทา.

Evaṃ dhammena rājāno pajaṃ rakkhantu sabbadā.

so may kings guard their people always, and by Dhamma.