📿 Digital Chanting Book บทสวดมนต์

เวเนยยะทะมะโนปาเย สัพพะโส ปาระมิง คะโต

Veneyyadamanopāye sabbaso pāramiṃ gato

Gone wholly to perfection in the means of taming those who can be led,

อะโมฆะวะจะโน พุทโธ อะภิญญายานุสาสะโก.

Amoghavacano buddho abhiññāyānusāsako.

the Buddha, whose word is never in vain, who instructs from direct knowledge.

จิณฺณานุรูปะโต จาปิ ธัมเมนะ วินะยัง ปะชัง

Ciṇṇānurūpato cāpi dhammena vinayaṃ pajaṃ

And in accordance with what they had practised, training the people by Dhamma,

จิณณาคคิปาริจะริยานัง สัมโพชฌาระหะโยคินัง.

Ciṇṇāggipāricariyānaṃ sambojjhārahayoginaṃ.

for those strivers ripe for awakening who had tended the fire.

ยะมาทิตตะปะริยายัง เทสะยันโต มะโนหะรัง

Yamādittapariyāyaṃ desayanto manoharaṃ

Teaching that captivating discourse on burning,

เต โสตาโร วิโมเจสิ อะเสกขายะ วิมุตติยา.

Te sotāro vimocesi asekkhāya vimuttiyā.

he freed those hearers with the release of the adept.

ตะเถโวปะปะริกขายะ วิญญูนัง โสตุมิจฉะตัง

Tathevopaparikkhāya viññūnaṃ sotumicchataṃ

So too, for the wise who wish to hear and examine it,

ทุกขะตาลักขะโณปายัง ตัง สุตตันตัง ภะณามะ เส.

Dukkhatālakkhaṇopāyaṃ taṃ suttantaṃ bhaṇāma se.

that discourse, the means to the mark of suffering — let us recite it.

เอวัมเม สุตัง. เอกัง สะมะยัง ภะคะวา คะยายัง วิหะระติ คะยาสีเส สัทธิง ภิกขุสะหัสเสนะ. ตัตระ โข ภะคะวา ภิกขู อามันเตสิ.

Evamme sutaṃ. Ekaṃ samayaṃ bhagavā gayāyaṃ viharati gayāsīse saddhiṃ bhikkhusahassena. Tatra kho bhagavā bhikkhū āmantesi.

Thus have I heard. At one time the Blessed One was staying at Gaya, at Gaya's Head, together with a thousand monks. There he addressed them.

สัพพัง ภิกขะเว อาทิตตัง. กิญจะ ภิกขะเว สัพพัง อาทิตตัง, จักขุง ภิกขะเว อาทิตตัง, รูปา อาทิตตา, จักขุวิญญาณัง อาทิตตัง, จักขุสัมผัสโส อาทิตโต, ยัมปิทัง จักขุสัมผัสสะปัจจะยา อุปปัชชะติ, เวทะยิตัง สุขัง วา ทุกขัง วา อะทุกขะมะสุขัง วา, ตัมปิ อาทิตตัง. เกนะ อาทิตตัง. อาทิตตัง ราคัคคินา โทสัคคินา โมหัคคินา, อาทิตตัง ชาติยา ชะรามะระเณนะ, โสเกหิ ปะริเทเวหิ ทุกเขหิ โทมะนัสเสหิ อุปายาเสหิ อาทิตตันติ วะทามิ.

Sabbaṃ bhikkhave ādittaṃ. Kiñca bhikkhave sabbaṃ ādittaṃ, cakkhuṃ bhikkhave ādittaṃ, rūpā ādittā, cakkhuviññāṇaṃ ādittaṃ, cakkhusamphasso āditto, yampidaṃ cakkhusamphassapaccayā uppajjati, vedayitaṃ sukhaṃ vā dukkhaṃ vā adukkhamasukhaṃ vā, tampi ādittaṃ. Kena ādittaṃ. Ādittaṃ rāgagginā dosagginā mohagginā, ādittaṃ jātiyā jarāmaraṇena, sokehi paridevehi dukkhehi domanassehi upāyāsehi ādittanti vadāmi.

Monks, all is burning. And what is the all that is burning? The eye is burning, forms are burning, eye-consciousness is burning, eye-contact is burning; and whatever feeling arises dependent on eye-contact — pleasant, painful or neither — that too is burning. Burning with what? Burning with the fire of greed, the fire of hatred, the fire of delusion; burning with birth, ageing and death, with sorrow, lamentation, pain, grief and despair, I say.

โสตัง อาทิตตัง, สัททา อาทิตตา, โสตะวิญญาณัง อาทิตตัง,โสตะสัมผัสโส อาทิตโต, ยัมปิทัง โสตะสัมผัสสะปัจจะยา อุปปัชชะติ, เวทะยิตัง สุขัง วา ทุกขัง วา อะทุกขะมะสุขัง วา, ตัมปิ อาทิตตัง. เกนะ อาทิตตัง. อาทิตตัง ราคัคคินา โทสัคคินา โมหัคคินา, อาทิตตัง ชาติยา ชะรามะระเณนะ, โสเกหิ ปะริเทเวหิ ทุกเขหิ โทมะนัสเสหิ อุปายาเสหิ อาทิตตันติ วะทามิ.

Sotaṃ ādittaṃ, saddā ādittā, sotaviññāṇaṃ ādittaṃ,sotasamphasso āditto, yampidaṃ sotasamphassapaccayā uppajjati, vedayitaṃ sukhaṃ vā dukkhaṃ vā adukkhamasukhaṃ vā, tampi ādittaṃ. Kena ādittaṃ. Ādittaṃ rāgagginā dosagginā mohagginā, ādittaṃ jātiyā jarāmaraṇena, sokehi paridevehi dukkhehi domanassehi upāyāsehi ādittanti vadāmi.

The ear is burning, sounds are burning, ear-consciousness is burning, ear-contact is burning; and whatever feeling arises dependent on ear-contact — pleasant, painful or neither — that too is burning. Burning with what? Burning with the fire of greed, the fire of hatred, the fire of delusion; burning with birth, ageing and death, with sorrow, lamentation, pain, grief and despair, I say.

ฆานัง อาทิตตัง, คันธา อาทิตตา, ฆานะวิญญาณัง อาทิตตัง, ฆานะสัมผัสโส อาทิตโต, ยัมปิทัง ฆานะสัมผัสสะปัจจะยา อุปปัชชะติ, เวทะยิตัง สุขัง วา ทุกขัง วา อะทุกขะมะสุขัง วา, ตัมปิ อาทิตตัง. เกนะ อาทิตตัง. อาทิตตัง ราคัคคินา โทสัคคินา โมหัคคินา, อาทิตตัง ชาติยา ชะรามะระเณนะ, โสเกหิ ปะริเทเวหิ ทุกเขหิ โทมะนัสเสหิ อุปายาเสหิ อาทิตตันติ วะทามิ.

Ghānaṃ ādittaṃ, gandhā ādittā, ghānaviññāṇaṃ ādittaṃ, ghānasamphasso āditto, yampidaṃ ghānasamphassapaccayā uppajjati, vedayitaṃ sukhaṃ vā dukkhaṃ vā adukkhamasukhaṃ vā, tampi ādittaṃ. Kena ādittaṃ. Ādittaṃ rāgagginā dosagginā mohagginā, ādittaṃ jātiyā jarāmaraṇena, sokehi paridevehi dukkhehi domanassehi upāyāsehi ādittanti vadāmi.

The nose is burning, odours are burning, nose-consciousness is burning, nose-contact is burning; and whatever feeling arises dependent on nose-contact — pleasant, painful or neither — that too is burning. Burning with what? Burning with the fire of greed, the fire of hatred, the fire of delusion; burning with birth, ageing and death, with sorrow, lamentation, pain, grief and despair, I say.