📿 Digital Chanting Book บทสวดมนต์

เอวัมเม สุตัง.

evamme sutaṃ.

Thus have I heard.

เอกัง สะมะยัง ภะคะวา, ราชะคะเห วิหะระติ, เวฬุวะเน กะลันทะกะนิวาเป.

ekaṃ samayaṃ bhagavā, rājagahe viharati, veḷuvane kalandakanivāpe.

At one time the Blessed One was dwelling at Rājagaha, in the Bamboo Grove, the squirrels' feeding place.

เตนะ โข ปะนะ สะมะเยนะ, อายัส๎มา มะหากัสสะโป ปิปผะลิคุหายัง วิหะระติ, อาพาธิโก ทุกขิโต พาฬ๎หะคิลาโน.

tena kho pana samayena, āyasmā mahākassapo pipphaliguhāyaṃ viharati, ābādhiko dukkhito bāḷhagilāno.

Now at that time the venerable Mahākassapa was dwelling in the Pipphali Cave, afflicted, suffering, gravely ill.

อะถะโข ภะคะวา สายัณหะสะมะยัง ปะฏิสัลลานา วุฏฐิโต, เยนายัส๎มา มะหากัสสะโป, เตนุปะสังกะมิ,

athakho bhagavā sāyaṇhasamayaṃ paṭisallānā vuṭṭhito, yenāyasmā mahākassapo, tenupasaṅkami,

Then the Blessed One, rising from seclusion towards evening, went to where the venerable Mahākassapa was;

อุปะสังกะมิต๎วา ปัญญัตเต อาสะเน นิสีทิ,

upasaṅkamitvā paññatte āsane nisīdi,

having approached, he sat down on the seat made ready,

นิสัชชะ โข ภะคะวา อายัส๎มันตัง มะหากัสสะปัง เอตะทะโวจะ.

nisajja kho bhagavā āyasmantaṃ mahākassapaṃ etadavoca.

and seated, the Blessed One said this to the venerable Mahākassapa:

กัจจิ เต กัสสะปะ ขะมะนียัง, กัจจิ ยาปะนียัง,

kacci te kassapa khamanīyaṃ, kacci yāpanīyaṃ,

"I hope you are bearing up, Kassapa; I hope you are keeping going;

กัจจิ ทุกขา เวทะนา ปะฏิกกะมันติ, โน อะภิกกะมันติ,

kacci dukkhā vedanā paṭikkamanti, no abhikkamanti,

I hope your painful feelings are subsiding and not increasing,

ปะฏิกกะโมสานัง ปัญญายะติ, โน อะภิกกะโมติ.

paṭikkamosānaṃ paññāyati, no abhikkamoti.

and that their subsiding, not their increase, is apparent."

นะ เม ภันเต ขะมะนียัง, นะ ยาปะนียัง,

na me bhante khamanīyaṃ, na yāpanīyaṃ,

"I am not bearing up, venerable sir; I am not keeping going;

พาฬ๎หา เม ทุกขา เวทะนา อะภิกกะมันติ, โน ปะฏิกกะมันติ,

bāḷhā me dukkhā vedanā abhikkamanti, no paṭikkamanti,

my painful feelings are severe and increasing, not subsiding,

อะภิกกะโมสานัง ปัญญายะติ, โน ปะฏิกกะโมติ.

abhikkamosānaṃ paññāyati, no paṭikkamoti.

and their increase, not their subsiding, is apparent."

สัตติเม กัสสะปะ โพชฌังคา, มะยา สัมมะทักขาตา ภาวิตา พะหุลีกะตา,

sattime kassapa bojjhaṅgā, mayā sammadakkhātā bhāvitā bahulīkatā,

"Kassapa, these seven factors of awakening, rightly declared by me, developed and made much of,

อะภิญญายะ สัมโพธายะ นิพพานายะ สังวัตตันติ ฯ

abhiññāya sambodhāya nibbānāya saṃvattanti.

lead to direct knowledge, to full awakening, to Nibbāna.

กะตะเม สัตตะ.

katame satta.

Which seven?"