📿 Digital Chanting Book บทสวดมนต์

สะติสัมโพชฌังโค โข กัสสะปะ มะยา สัมมะทักขาโต ภาวิโต พะหุลีกะโต, อะภิญญายะ สัมโพธายะ นิพพานายะ สังวัตตะติ ฯ

satisambojjhaṅgo kho kassapa mayā sammadakkhāto bhāvito bahulīkato, abhiññāya sambodhāya nibbānāya saṃvattati.

"The factor of awakening that is mindfulness, Kassapa, rightly declared by me, developed and made much of, leads to direct knowledge, to full awakening, to Nibbāna.

ธัมมะวิจะยะสัมโพชฌังโค โข กัสสะปะ มะยา สัมมะทักขาโต ภาวิโต พะหุลีกะโต, อะภิญญายะ สัมโพธายะ นิพพานายะ สังวัตตะติ.

dhammavicayasambojjhaṅgo kho kassapa mayā sammadakkhāto bhāvito bahulīkato, abhiññāya sambodhāya nibbānāya saṃvattati.

The factor of awakening that is investigation of states, Kassapa, rightly declared by me, developed and made much of, leads to direct knowledge, to full awakening, to Nibbāna.

วิริยะสัมโพชฌังโค โข กัสสะปะ มะยา สัมมะทักขาโต ภาวิโต พะหุลีกะโต, อะภิญญายะ สัมโพธายะ นิพพานายะ สังวัตตะติ.

vīriyasambojjhaṅgo kho kassapa mayā sammadakkhāto bhāvito bahulīkato, abhiññāya sambodhāya nibbānāya saṃvattati.

The factor of awakening that is energy, Kassapa, rightly declared by me, developed and made much of, leads to direct knowledge, to full awakening, to Nibbāna.

ปีติสัมโพชฌังโค โข กัสสะปะ มะยา สัมมะทักขาโต ภาวิโต พะหุลีกะโต, อะภิญญายะ สัมโพธายะ นิพพานายะ สังวัตตะติ.

pītisambojjhaṅgo kho kassapa mayā sammadakkhāto bhāvito bahulīkato, abhiññāya sambodhāya nibbānāya saṃvattati.

The factor of awakening that is rapture, Kassapa, rightly declared by me, developed and made much of, leads to direct knowledge, to full awakening, to Nibbāna.

ปัสสัทธิสัมโพชฌังโค โข กัสสะปะ มะยา สัมมะทักขาโต ภาวิโต พะหุลีกะโต, อะภิญญายะ สัมโพธายะ นิพพานายะ สังวัตตะติ.

passaddhisambojjhaṅgo kho kassapa mayā sammadakkhāto bhāvito bahulīkato, abhiññāya sambodhāya nibbānāya saṃvattati.

The factor of awakening that is tranquillity, Kassapa, rightly declared by me, developed and made much of, leads to direct knowledge, to full awakening, to Nibbāna.

สะมาธิสัมโพชฌังโค โข กัสสะปะ มะยา สัมมะทักขาโต ภาวิโต พะหุลีกะโต, อะภิญญายะ สัมโพธายะ นิพพานายะ สังวัตตะติ.

samādhisambojjhaṅgo kho kassapa mayā sammadakkhāto bhāvito bahulīkato, abhiññāya sambodhāya nibbānāya saṃvattati.

The factor of awakening that is concentration, Kassapa, rightly declared by me, developed and made much of, leads to direct knowledge, to full awakening, to Nibbāna.

อุเปกขาสัมโพชฌังโค โข กัสสะปะ มะยา สัมมะทักขาโต ภาวิโต พะหุลีกะโต, อะภิญญายะ สัมโพธายะ นิพพานายะ สังวัตตะติ.

upekkhāsambojjhaṅgo kho kassapa mayā sammadakkhāto bhāvito bahulīkato, abhiññāya sambodhāya nibbānāya saṃvattati.

The factor of awakening that is equanimity, Kassapa, rightly declared by me, developed and made much of, leads to direct knowledge, to full awakening, to Nibbāna.

อิเม โข กัสสะปะ สัตตะ โพชฌังคา มะยา สัมมะทักขาตา ภาวิตา พะหุลีกะตา, อะภิญญายะ สัมโพธายะ นิพพานายะ สังวัตตันตีติ.

ime kho kassapa satta bojjhaṅgā mayā sammadakkhātā bhāvitā bahulīkatā, abhiññāya sambodhāya nibbānāya saṃvattantīti.

These seven factors of awakening, Kassapa, rightly declared by me, developed and made much of, lead to direct knowledge, to full awakening, to Nibbāna."

ตัคฆะ ภะคะวา โพชฌังคา ตัคฆะ สุคะตะ โพชฌังคาติ.

taggha bhagavā bojjhaṅgā taggha sugata bojjhaṅgāti.

"Assuredly, Blessed One, they are factors of awakening; assuredly, Well-Farer, they are factors of awakening."

อิทะมะโวจะ ภะคะวา.

idamavoca bhagavā.

This the Blessed One said.

อัตตะมะโน อายัส๎มา มะหากัสสะโป ภะคะวะโต ภาสิตัง อะภินันทิ.

attamano āyasmā mahākassapo bhagavato bhāsitaṃ abhinandi.

Gladdened, the venerable Mahākassapa delighted in the words of the Blessed One.

วุฏฐะหิ จายัส๎มา มะหากัสสะโป ตัมหา อาพาธา, ตะถาปะหีโน จายัส๎มะโต มะหากัสสะปัสสะ โส (ลากเสียง) อาพาโธ อะโหสีติ.

vuṭṭhahi cāyasmā mahākassapo tamhā ābādhā, tathāpahīno cāyasmato mahākassapassa so (lâak sǐiaŋ) ābādho ahosīti.

And the venerable Mahākassapa rose up from that illness, and in that way the venerable Mahākassapa's illness was abandoned.

เอวัมเม สุตัง.

evamme sutaṃ.

Thus have I heard.

เอกัง สะมะยัง ภะคะวา, ราชะคะเห วิหะระติ, เวฬุวะเน กะลันทะกะนิวาเป.

ekaṃ samayaṃ bhagavā, rājagahe viharati, veḷuvane kalandakanivāpe.

At one time the Blessed One was dwelling at Rājagaha, in the Bamboo Grove, the squirrels' feeding place.

เตนะ โข ปะนะ สะมะเยนะ, อายัส๎มา มะหาโมคคัลลาโน คิชฌะกูเฏ ปัพพะเต วิหะระติ, อาพาธิโก ทุกขิโต พาฬ๎หะคิลาโน.

tena kho pana samayena, āyasmā mahāmoggallāno gijjhakūṭe pabbate viharati, ābādhiko dukkhito bāḷhagilāno.

Now at that time the venerable Mahāmoggallāna was dwelling on the Vulture's Peak, afflicted, suffering, gravely ill.

อะถะโข ภะคะวา สายัณหะสะมะยัง ปะฏิสัลลานา วุฏฐิโต เยนายัส๎มา มะหาโมคคัลลาโน, เตนุปะสังกะมิ

athakho bhagavā sāyaṇhasamayaṃ paṭisallānā vuṭṭhito yenāyasmā mahāmoggallāno, tenupasaṅkami

Then the Blessed One, rising from seclusion towards evening, went to where the venerable Mahāmoggallāna was;