📿 Digital Chanting Book บทสวดมนต์
The Prefatory Verse for the Discourse on the Analysis of the Path, continued
The book prints this chant in Pali only. The English here is a working translation made for this edition, not the book's.
สะยัง เตเนวะ คันต๎วานะ ปัตโต โพธิมะนุตตะรัง
Sayaṃ teneva gantvāna patto bodhimanuttaraṃ
Having gone by that very path himself, he reached the unsurpassed awakening;
สัมมานุปะฏิปัต๎ยัตถัง สัตตานัง โพธิกามินัง.
Sammānupaṭipattyatthaṃ sattānaṃ bodhikāminaṃ.
and for the right practice of beings who long for awakening,
นานาวิเธหุปาเยภิ ปะเวเทสิ หิเตสะโก
Nānāvidhehupāyebhi pavedesi hitesako
the seeker of their welfare made it known by many kinds of means.
ตัมมัคคะทีปะกัง สุตตัง ยัง สัมพุทเธนะ ภาสิตัง.
Tammaggadīpakaṃ suttaṃ yaṃ sambuddhena bhāsitaṃ.
That sutta which illuminates the path, spoken by the Fully Awakened One —
วัตถุตตะเย ปะสันนานัง สาธูนัง ธัมมะกามินัง
Vatthuttaye pasannānaṃ sādhūnaṃ dhammakāminaṃ
for good people with faith in the Triple Gem, who love the Dhamma,
ภิยโย ปะสาทุปปาเทนะ ทิฏโฐชุกะระเณนะ จะ.
Bhiyyo pasāduppādena diṭṭhojukaraṇena ca.
to arouse yet more faith and to straighten their view,
สุวัตถิสาธะนัตถังปิ ตัง สุตตันตัง ภะณามะ เส.
Suvatthisādhanatthaṃpi taṃ suttantaṃ bhaṇāma se.
and to bring about well-being — let us recite that discourse.
18. มัคคะวิภังคะสุตตัง Maggavibhaṅgasuttaṃ The Discourse on the Analysis of the Path
The book prints this chant in Pali only. The English here is a working translation made for this edition, not the book's.
เอวัมเม สุตัง. เอกัง สะมะยัง ภะคะวา สาวัตถิยัง วิหะระติ เชตะวะเน อะนาถะปิณฑิกัสสะ อาราเม. ตัต๎ระ โข ภะคะวา ภิกขู อามันเตสิ ภิกขะโวติ. ภะทันเตติ เต ภิกขู ภะคะวะโต ปัจจัสโสสุง. ภะคะวา เอตะทะโวจะ. อะริยัง โว ภิกขะเว อัฏฐังคิกัง มัคคัง เทสิสสามิ วิภะชิสสามิ, ตัง สุณาถะ สาธุกัง มะนะสิกะโรถะ, ภาสิสสามีติ. เอวัมภันเตติ โข เต ภิกขู ภะคะวะโต ปัจจัสโสสุง. ภะคะวา เอตะทะโวจะ. กะตะโม จะ ภิกขะเว อะริโย อัฏฐังคิโก มัคโค เสยยะถีทัง สัมมาทิฏฐิ สัมมาสังกัปโป, สัมมาวาจา สัมมากัมมันโต สัมมาอาชีโว, สัมมาวายาโม สัมมาสะติ สัมมาสะมาธิ.
Evamme sutaṃ. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi bhikkhavoti. Bhadanteti te bhikkhū bhagavato paccassosuṃ. Bhagavā etadavoca. Ariyaṃ vo bhikkhave aṭṭhaṅgikaṃ maggaṃ desissāmi vibhajissāmi, taṃ suṇātha sādhukaṃ manasikarotha, bhāsissāmīti. Evambhanteti kho te bhikkhū bhagavato paccassosuṃ. Bhagavā etadavoca. Katamo ca bhikkhave ariyo aṭṭhaṅgiko maggo seyyathīdaṃ sammādiṭṭhi sammāsaṅkappo, sammāvācā sammākammanto sammā-ājīvo, sammāvāyāmo sammāsati sammāsamādhi.
Thus have I heard. At one time the Blessed One was staying near Sāvatthī, in Jeta's Grove, Anāthapiṇḍika's park. There the Blessed One addressed the monks: 'Monks.' 'Venerable sir,' those monks replied. The Blessed One said this: 'Monks, I shall teach you the noble eightfold path and analyse it. Listen to it, attend closely, I shall speak.' 'Yes, venerable sir,' those monks replied. The Blessed One said this: 'And what, monks, is the noble eightfold path? It is this: right view, right intention, right speech, right action, right livelihood, right effort, right mindfulness, right concentration.'
กะตะมา จะ ภิกขะเว สัมมาทิฏฐิ, ยัง โข ภิกขะเว ทุกเข ญาณัง, ทุกขะสะมุทะเย ญาณัง, ทุกขะนิโรเธ ญาณัง, ทุกขะนิโรธะคามินิยา ปะฏิปะทายะ ญาณัง. อะยัง วุจจะติ ภิกขะเว สัมมาทิฏฐิ.
Katamā ca bhikkhave sammādiṭṭhi, yaṃ kho bhikkhave dukkhe ñāṇaṃ, dukkhasamudaye ñāṇaṃ, dukkhanirodhe ñāṇaṃ, dukkhanirodhagāminiyā paṭipadāya ñāṇaṃ. Ayaṃ vuccati bhikkhave sammādiṭṭhi.
And what, monks, is right view? Knowledge of suffering, knowledge of the origin of suffering, knowledge of the cessation of suffering, knowledge of the way leading to the cessation of suffering. This, monks, is called right view.
กะตะโม จะ ภิกขะเว สัมมาสังกัปโป, โย โข ภิกขะเว เนกขัมมะสังกัปโป, อัพ๎ยาปาทะสังกัปโป อะวิหิงสาสังกัปโป. อะยัง วุจจะติ ภิกขะเว สัมมาสังกัปโป.
Katamo ca bhikkhave sammāsaṅkappo, yo kho bhikkhave nekkhammasaṅkappo, abyāpādasaṅkappo avihiṃsāsaṅkappo. Ayaṃ vuccati bhikkhave sammāsaṅkappo.
And what, monks, is right intention? The intention of renunciation, the intention of non-ill-will, the intention of harmlessness. This, monks, is called right intention.
กะตะมา จะ ภิกขะเว สัมมาวาจา, ยา โข ภิกขะเว มุสาวาทา เวระมะณี, ปิสุณายะ วาจายะ เวระมะณี, ผะรุสายะ วาจายะ เวระมะณี, สัมผัปปะลาปา เวระมะณี, อะยัง วุจจะติ ภิกขะเว สัมมาวาจา.
Katamā ca bhikkhave sammāvācā, yā kho bhikkhave musāvādā veramaṇī, pisuṇāya vācāya veramaṇī, pharusāya vācāya veramaṇī, samphappalāpā veramaṇī, ayaṃ vuccati bhikkhave sammāvācā.
And what, monks, is right speech? Abstaining from false speech, abstaining from malicious speech, abstaining from harsh speech, abstaining from idle chatter. This, monks, is called right speech.
กะตะโม จะ ภิกขะเว สัมมากัมมันโต, ยา โข ภิกขะเว ปาณาติปาตา เวระมะณี, อะทินนาทานา เวระมะณี, อะพ๎รัห๎มะจะริยา เวระมะณี, อะยัง วุจจะติ ภิกขะเว สัมมากัมมันโต.
Katamo ca bhikkhave sammākammanto, yā kho bhikkhave pāṇātipātā veramaṇī, adinnādānā veramaṇī, abrahmacariyā veramaṇī, ayaṃ vuccati bhikkhave sammākammanto.
And what, monks, is right action? Abstaining from the destruction of life, abstaining from taking what is not given, abstaining from unchaste conduct. This, monks, is called right action.
2 chants in the app have no page number yet and can only be reached by title.