📿 Digital Chanting Book บทสวดมนต์

ยาวะกีวัญจะ ภิกขะเว อิเม สัตตะ อะปะริหานิยา ธัมมา ภิกขูสุ ฐัสสันติ, อิเมสุ จะ สัตตะสุ อะปะริหานิเยสุ ธัมเมสุ ภิกขู สันทิสสิสสันติ. วุฑฒิเยวะ ภิกขะเว ภิกขูนัง ปาฏิกังขา, โน ปะริหานีติ.

Yāvakīvañca bhikkhave ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu bhikkhū sandississanti. Vuḍḍhiyeva bhikkhave bhikkhūnaṃ pāṭikaṅkhā, no parihānīti.

So long as these seven conditions of no decline stand among the monks, and the monks are seen in them, growth is to be expected for the monks, not decline.

อิทะมะโวจะ ภะคะวา, อัตตะมะนา เต ภิกขู ภะคะวะโต ภาสิตัง อะภินันทุนติ.

Idamavoca bhagavā, attamanā te bhikkhū bhagavato bhāsitaṃ abhinandunti.

Thus spoke the Blessed One, and those monks delighted in his words.

สัมพุทโธ ทิปะทัง เสฏโฐ มะหาการุณิโก มุนิ

Sambuddho dipadaṃ seṭṭho mahākāruṇiko muni

The Awakened One, best of men, the Sage of great compassion,

สามัตถิยัง ทัสเสต๎วานะ ปะหาเน ภาวะนายะ จะ

Sāmatthiyaṃ dassetvāna pahāne bhāvanāya ca

having shown what can be done in abandoning and in developing,

สัมมานุปะฏิปัต๎ยัตถัง ยัง สุตตันตัง อะภาสะยิ

Sammānupaṭipatyatthaṃ yaṃ suttantaṃ abhāsayi

spoke that discourse for the sake of right practice;

สุต๎วา ตะถานุการายะ ตัง สุตตันตัง ภะณามะ เส.

Sutvā tathānukārāya taṃ suttantaṃ bhaṇāma se.

having heard it, that we may act accordingly — let us recite that discourse.

เอวัมเม สุตัง. เอกัง สะมะยัง ภะคะวา สาวัตถิยัง วิหะระติ เชตะวะเน อะนาถะปิณฑิกัสสะ อาราเม. ตัตระ โข ภะคะวา ภิกขู อามันเตสิ ภิกขะโวติ. ภะทันเตติ เต ภิกขู ภะคะวะโต ปัจจัสโสสุง, ภะคะวา เอตะทะโวจะ.

Evamme sutaṃ. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi bhikkhavoti. Bhadanteti te bhikkhū bhagavato paccassosuṃ, bhagavā etadavoca.

Thus have I heard. At one time the Blessed One was staying near Savatthi, in Jeta's Grove, Anathapindika's park. There he addressed the monks: 'Monks.' 'Venerable sir,' they replied, and the Blessed One said this.

อะกุสะลัง ภิกขะเว ปะชะหะถะ, สักกา ภิกขะเว อะกุสะลัง ปะชะหิตุง, โน เจตัง ภิกขะเว สักกา อะภะวิสสะ อะกุสะลัง ปะชะหิตุง. นาหัง เอวัง วะเทยยัง อะกุสะลัง ภิกขะเว ปะชะหะถาติ. ยัส๎มา จะ โข ภิกขะเว สักกา อะกุสะลัง ปะชะหิตุง, ตัส๎มาหัง เอวัง วะทามิ อะกุสะลัง ภิกขะเว ปะชะหะถาติ. อะกุสะลัญจะ หิทัง ภิกขะเว ปะหีนัง อะหิตายะ ทุกขายะ สังวัตเตยยะ, นาหัง เอวัง วะเทยยัง อะกุสะลัง ภิกขะเว ปะชะหะถาติ. ยัส๎มา จะ โข ภิกขะเว อะกุสะลัง ปะหีนัง, หิตายะ สุขายะ สังวัตตะติ, ตัส๎มาหัง เอวัง วะทามิ, อะกุสะลัง ภิกขะเว ปะชะหะถาติ.

Akusalaṃ bhikkhave pajahatha, sakkā bhikkhave akusalaṃ pajahituṃ, no cetaṃ bhikkhave sakkā abhavissa akusalaṃ pajahituṃ. Nāhaṃ evaṃ vadeyyaṃ akusalaṃ bhikkhave pajahathāti. Yasmā ca kho bhikkhave sakkā akusalaṃ pajahituṃ, tasmāhaṃ evaṃ vadāmi akusalaṃ bhikkhave pajahathāti. Akusalañca hidaṃ bhikkhave pahīnaṃ ahitāya dukkhāya saṃvatteyya, nāhaṃ evaṃ vadeyyaṃ akusalaṃ bhikkhave pajahathāti. Yasmā ca kho bhikkhave akusalaṃ pahīnaṃ, hitāya sukhāya saṃvattati, tasmāhaṃ evaṃ vadāmi, akusalaṃ bhikkhave pajahathāti.

Abandon the unwholesome, monks. It can be done. If it could not be done I would not say so; but because it can, I say: abandon the unwholesome. And if abandoning it led to harm and suffering I would not say so; but because abandoning it leads to welfare and happiness, I say: abandon the unwholesome.