📿 Digital Chanting Book บทสวดมนต์

กุสะลัง ภิกขะเว ภาเวถะ, สักกา ภิกขะเว กุสะลัง ภาเวตุง, โน เจตัง ภิกขะเว สักกา อะภะวิสสะ กุสะลัง ภาเวตุง. นาหัง เอวัง วะเทยยัง กุสะลัง ภิกขะเว ภาเวถาติ. ยัส๎มา จะ โข ภิกขะเว สักกา กุสะลัง ภาเวตุง. ตัส๎มาหัง เอวัง วะทามิ กุสะลัง ภิกขะเว ภาเวถาติ. กุสะลัญจะ หิทัง ภิกขะเว ภาวิตัง อะหิตายะ ทุกขายะ สังวัตเตยยะ, นาหัง เอวัง วะเทยยัง กุสะลัง ภิกขะเว ภาเวถาติ, ยัส๎มา จะ โข ภิกขะเว กุสะลัง ภาวิตัง หิตายะ สุขายะ สังวัตตะติ, ตัส๎มาหัง เอวัง วะทามิ กุสะลัง ภิกขะเว ภาเวถาติ.

Kusalaṃ bhikkhave bhāvetha, sakkā bhikkhave kusalaṃ bhāvetuṃ, no cetaṃ bhikkhave sakkā abhavissa kusalaṃ bhāvetuṃ. Nāhaṃ evaṃ vadeyyaṃ kusalaṃ bhikkhave bhāvethāti. Yasmā ca kho bhikkhave sakkā kusalaṃ bhāvetuṃ. Tasmāhaṃ evaṃ vadāmi kusalaṃ bhikkhave bhāvethāti. Kusalañca hidaṃ bhikkhave bhāvitaṃ ahitāya dukkhāya saṃvatteyya, nāhaṃ evaṃ vadeyyaṃ kusalaṃ bhikkhave bhāvethāti, yasmā ca kho bhikkhave kusalaṃ bhāvitaṃ hitāya sukhāya saṃvattati, tasmāhaṃ evaṃ vadāmi kusalaṃ bhikkhave bhāvethāti.

Develop the wholesome, monks. It can be done. If it could not be done I would not say so; but because it can, I say: develop the wholesome. And if developing it led to harm and suffering I would not say so; but because developing it leads to welfare and happiness, I say: develop the wholesome.

อิทะมะโวจะ ภะคะวา อัตตะมะนา เต ภิกขู ภะคะวะโต ภาสิตัง อะภินันทุนติ.

Idamavoca bhagavā attamanā te bhikkhū bhagavato bhāsitaṃ abhinandunti.

Thus spoke the Blessed One, and those monks delighted in his words.

ยาสาปะมาณะกา สัตตา ภาวะนานัง หิ โคจะโร

Yāsāpamāṇakā sattā bhāvanānaṃ hi gocaro

Beings without measure are the range of these developments;

ตัพพาหะสาปะมัญญาติ ตา ภาวะนา สุวิสสุตา.

Tabbāhasāpamaññāti tā bhāvanā suvissutā.

and so those developments are well known as the immeasurables.

วิยาปาทะวิเหสานัง อะรัต๎ยา ปะฏิฆัสสะ จะ

Viyāpādavihesānaṃ aratyā paṭighassa ca

For ill will, for cruelty, for discontent and for aversion,

สัมมะเทวะ ปะหานายะ สังวัตตันติ ยะถากะมัง.

Sammadeva pahānāya saṃvattanti yathākamaṃ.

they lead to right abandoning, each in its own order.

ตาสัมปะกาสะกัง ธัมมะ- ปะริยายัง ภะณามะ เส

Tāsampakāsakaṃ dhamma- pariyāyaṃ bhaṇāma se

Let us recite the exposition of the Dhamma that makes them known.

อัตถิ โข เตนะ ภะคะวะตา ชานะตา ปัสสะตา อะระหะตา สัมมาสัมพุทเธนะ, จะตัสโส อัปปะมัญญาโย สัมมะทักขาตา.

Atthi kho tena bhagavatā jānatā passatā arahatā sammāsambuddhena, catasso appamaññāyo sammadakkhātā.

There are, declared by the Blessed One who knows and sees, the Arahant, the Perfectly Awakened One, four immeasurables rightly proclaimed.

อิธะ ภิกขุ เมตตาสะหะคะเตนะ เจตะสา เอกัง ทิสัง ผะริต๎วา วิหะระติ, ตะถา ทุติยัง ตะถา ตะติยัง ตะถา จะตุตถัง. อิติ อุทธะมะโธ ติริยัง สัพพะธิ สัพพัตตะตายะ สัพพาวันตัง โลกัง, เมตตาสะหะคะเตนะ เจตะสา วิปุเลนะ มะหัคคะเตนะ อัปปะมาเณนะ อะเวเรนะ อัพ๎ยาปัชเฌนะ ผะริต๎วา วิหะระติ.

Idha bhikkhu mettāsahagatena cetasā ekaṃ disaṃ pharitvā viharati, tathā dutiyaṃ tathā tatiyaṃ tathā catutthaṃ. Iti uddhamadho tiriyaṃ sabbadhi sabbattatāya sabbāvantaṃ lokaṃ, mettāsahagatena cetasā vipulena mahaggatena appamāṇena averena abyāpajjhena pharitvā viharati.

Here a monk dwells pervading one direction with a heart imbued with loving-kindness, likewise the second, the third and the fourth; so above, below, across, everywhere, to all as to himself, he dwells pervading the whole world with a heart imbued with loving-kindness — abundant, exalted, measureless, without hostility, without ill will.

กะรุณาสะหะคะเตนะ เจตะสา เอกัง ทิสัง ผะริต๎วา วิหะระติ, ตะถา ทุติยัง ตะถา ตะติยัง ตะถา จะตุตถัง. อิติ อุทธะมะโธ ติริยัง สัพพะธิ สัพพัตตะตายะ สัพพาวันตัง โลกัง, กะรุณาสะหะคะเตนะ เจตะสา วิปุเลนะ มะหัคคะเตนะ อัปปะมาเณนะ อะเวเรนะ อัพ๎ยาปัชเฌนะ ผะริต๎วา วิหะระติ.

Karuṇāsahagatena cetasā ekaṃ disaṃ pharitvā viharati, tathā dutiyaṃ tathā tatiyaṃ tathā catutthaṃ. Iti uddhamadho tiriyaṃ sabbadhi sabbattatāya sabbāvantaṃ lokaṃ, karuṇāsahagatena cetasā vipulena mahaggatena appamāṇena averena abyāpajjhena pharitvā viharati.

He dwells pervading one direction with a heart imbued with compassion, likewise the second, the third and the fourth; so above, below, across, everywhere, to all as to himself, he dwells pervading the whole world with a heart imbued with compassion — abundant, exalted, measureless, without hostility, without ill will.