📿 Digital Chanting Book บทสวดมนต์

อุปะสังกะมิต๎วา ปัญญัตเต อาสะเน นิสีทิ,

upasaṅkamitvā paññatte āsane nisīdi,

having gone there, he sat down on the seat made ready,

นิสัชชะ โข ภะคะวา อายัส๎มันตัง มะหาโมคคัลลานัง เอตะทะโวจะ.

nisajja kho bhagavā āyasmantaṃ mahāmoggallānaṃ etadavoca.

and seated, the Blessed One said this to the venerable Mahāmoggallāna.

กัจจิ เต โมคคัลลานะ ขะมะนียัง,

kacci te moggallāna khamanīyaṃ,

"Moggallāna, is it bearable for you,

กัจจิ ยาปะนียัง,

kacci yāpanīyaṃ,

can you keep going,

กัจจิ ทุกขา เวทะนา ปะฏิกกะมันติ, โน อะภิกกะมันติ,

kacci dukkhā vedanā paṭikkamanti, no abhikkamanti,

are the painful feelings receding and not increasing,

ปะฏิกกะโมสานัง ปัญญายะติ, โน อะภิกกะโมติ

paṭikkamosānaṃ paññāyati, no abhikkamoti

is their easing apparent and not their worsening?"

นะ เม ภันเต ขะมะนียัง, นะ ยาปะนียัง,

na me bhante khamanīyaṃ, na yāpanīyaṃ,

"Venerable sir, it is not bearable for me, I cannot keep going,

พาฬ๎หา เม ทุกขา เวทะนา อะภิกกะมันติ, โน ปะฏิกกะมันติ,

bāḷhā me dukkhā vedanā abhikkamanti, no paṭikkamanti,

my painful feelings are severe and increasing, not receding,

อะภิกกะโมสานัง ปัญญายะติ, โน ปะฏิกกะโมติ.

abhikkamosānaṃ paññāyati, no paṭikkamoti.

their worsening is apparent, not their easing."

สัตติเม โมคคัลลานะ โพชฌังคา มะยา สัมมะทักขาตา ภาวิตา พะหุลีกะตา, อะภิญญายะ สัมโพธายะ นิพพานายะ สังวัตตันติ.

sattime moggallāna bojjhaṅgā mayā sammadakkhātā bhāvitā bahulīkatā, abhiññāya sambodhāya nibbānāya saṃvattanti.

"Moggallāna, these seven factors of awakening, rightly declared by me, developed and made much of, lead to direct knowledge, to full awakening, to Nibbāna.

กะตะเม สัตตะ.

katame satta.

Which seven?"

สะติสัมโพชฌังโค โข โมคคัลลานะ มะยา สัมมะทักขาโต ภาวิโต พะหุลีกะโต, อะภิญญายะ สัมโพธายะ นิพพานายะ สังวัตตะติ.

satisambojjhaṅgo kho moggallāna mayā sammadakkhāto bhāvito bahulīkato, abhiññāya sambodhāya nibbānāya saṃvattati.

"The factor of awakening that is mindfulness, Moggallāna, rightly declared by me, developed and made much of, leads to direct knowledge, to full awakening, to Nibbāna.

ธัมมะวิจะยะสัมโพชฌังโค โข โมคคัลลานะ มะยา สัมมะทักขาโต ภาวิโต พะหุลีกะโต, อะภิญญายะ สัมโพธายะ นิพพานายะ สังวัตตะติ.

dhammavicayasambojjhaṅgo kho moggallāna mayā sammadakkhāto bhāvito bahulīkato, abhiññāya sambodhāya nibbānāya saṃvattati.

The factor of awakening that is investigation of states, Moggallāna, rightly declared by me, developed and made much of, leads to direct knowledge, to full awakening, to Nibbāna.

วิริยะสัมโพชฌังโค โข โมคคัลลานะ มะยา สัมมะทักขาโต ภาวิโต พะหุลีกะโต, อะภิญญายะ สัมโพธายะ นิพพานายะ สังวัตตะติ.

vīriyasambojjhaṅgo kho moggallāna mayā sammadakkhāto bhāvito bahulīkato, abhiññāya sambodhāya nibbānāya saṃvattati.

The factor of awakening that is energy, Moggallāna, rightly declared by me, developed and made much of, leads to direct knowledge, to full awakening, to Nibbāna.

ปีติสัมโพชฌังโค โข โมคคัลลานะ มะยา สัมมะทักขาโต ภาวิโต พะหุลีกะโต, อะภิญญายะ สัมโพธายะ นิพพานายะ สังวัตตะติ.

pītisambojjhaṅgo kho moggallāna mayā sammadakkhāto bhāvito bahulīkato, abhiññāya sambodhāya nibbānāya saṃvattati.

The factor of awakening that is rapture, Moggallāna, rightly declared by me, developed and made much of, leads to direct knowledge, to full awakening, to Nibbāna.

ปัสสัทธิสัมโพชฌังโค โข โมคคัลลานะ มะยา สัมมะทักขาโต ภาวิโต พะหุลีกะโต, อะภิญญายะ สัมโพธายะ นิพพานายะ สังวัตตะติ.

passaddhisambojjhaṅgo kho moggallāna mayā sammadakkhāto bhāvito bahulīkato, abhiññāya sambodhāya nibbānāya saṃvattati.

The factor of awakening that is tranquillity, Moggallāna, rightly declared by me, developed and made much of, leads to direct knowledge, to full awakening, to Nibbāna.

สะมาธิสัมโพชฌังโค โข โมคคัลลานะ มะยา สัมมะทักขาโต ภาวิโต พะหุลีกะโต, อะภิญญายะ สัมโพธายะ นิพพานายะ สังวัตตะติ.

samādhisambojjhaṅgo kho moggallāna mayā sammadakkhāto bhāvito bahulīkato, abhiññāya sambodhāya nibbānāya saṃvattati.

The factor of awakening that is concentration, Moggallāna, rightly declared by me, developed and made much of, leads to direct knowledge, to full awakening, to Nibbāna.

อุเปกขาสัมโพชฌังโค โข โมคคัลลานะ มะยา สัมมะทักขาโต ภาวิโต พะหุลีกะโต, อะภิญญายะ สัมโพธายะ นิพพานายะ สังวัตตะติ.

upekkhāsambojjhaṅgo kho moggallāna mayā sammadakkhāto bhāvito bahulīkato, abhiññāya sambodhāya nibbānāya saṃvattati.

The factor of awakening that is equanimity, Moggallāna, rightly declared by me, developed and made much of, leads to direct knowledge, to full awakening, to Nibbāna.

อิเม โข โมคคัลลานะ สัตตะ โพชฌังคา มะยา สัมมะทักขาตา ภาวิตา พะหุลีกะตา, อะภิญญายะ สัมโพธายะ นิพพานายะ สังวัตตันตีติ.

ime kho moggallāna satta bojjhaṅgā mayā sammadakkhātā bhāvitā bahulīkatā, abhiññāya sambodhāya nibbānāya saṃvattantīti.

These seven factors of awakening, Moggallāna, rightly declared by me, developed and made much of, lead to direct knowledge, to full awakening, to Nibbāna."

ตัคฆะ ภะคะวา โพชฌังคา, ตัคฆะ สุคะตะ โพชฌังคาติ.

taggha bhagavā bojjhaṅgā, taggha sugata bojjhaṅgāti.

"Assuredly, Blessed One, they are factors of awakening; assuredly, Well-Farer, they are factors of awakening."