📿 Digital Chanting Book บทสวดมนต์

อิทะมะโวจะ ภะคะวา ฯ

idamavoca bhagavā.

This the Blessed One said.

อัตตะมะโน อายัส๎มา มะหาโมคคัลลาโน ภะคะวะโต ภาสิตัง อะภินันทิ.

attamano āyasmā mahāmoggallāno bhagavato bhāsitaṃ abhinandi.

Gladdened, the venerable Mahāmoggallāna delighted in the words of the Blessed One.

วุฏฐะหิ จายัส๎มา มะหาโมคคัลลาโน ตัมหา อาพาธา, ตะถาปะหีโน จายัส๎มะโต มะหาโมคคัลลานัสสะ โส อาพาโธ อะโหสีติ.

vuṭṭhahi cāyasmā mahāmoggallāno tamhā ābādhā, tathāpahīno cāyasmato mahāmoggallānassa so ābādho ahosīti.

And the venerable Mahāmoggallāna rose up from that illness, and in that way the venerable Mahāmoggallāna's illness was abandoned.

เอวัมเม สุตัง.

evamme sutaṃ.

Thus have I heard.

เอกัง สะมะยัง ภะคะวา, ราชะคะเห วิหะระติ. เวฬุวะเน กะลันทะกะนิวาเป.

ekaṃ samayaṃ bhagavā, rājagahe viharati. veḷuvane kalandakanivāpe.

At one time the Blessed One was dwelling at Rājagaha, in the Bamboo Grove, the squirrels' feeding place.

เตนะ โข ปะนะ สะมะเยนะ ภะคะวา อาพาธิโก โหติ ทุกขิโต พาฬ๎หะคิลาโน.

tena kho pana samayena bhagavā ābādhiko hoti dukkhito bāḷhagilāno.

Now at that time the Blessed One was afflicted, suffering, gravely ill.

อะถะโข อายัส๎มา มะหาจุนโท สายัณหะสะมะยัง ปะฏิสัลลานา วุฏฐิโต, เยนะ ภะคะวา, เตนุปะสังกะมิ

athakho āyasmā mahācundo sāyaṇhasamayaṃ paṭisallānā vuṭṭhito, yena bhagavā, tenupasaṅkami

Then the venerable Mahācunda, rising from seclusion towards evening, went to where the Blessed One was;

อุปะสังกะมิต๎วา ภะคะวันตัง อะภิวาเทต๎วา เอกะมันตัง นิสีทิ.

upasaṅkamitvā bhagavantaṃ abhivādetvā ekamantaṃ nisīdi.

having gone there, he paid homage to the Blessed One and sat down to one side.

เอกะมันตัง นิสินนัง โข อายัส๎มันตัง มะหาจุนทัง ภะคะวา เอตะทะโวจะ.

ekamantaṃ nisinnaṃ kho āyasmantaṃ mahācundaṃ bhagavā etadavoca.

To the venerable Mahācunda, seated to one side, the Blessed One said this.

ปะฏิภันตุ ตัง จุนทะ โพชฌังคาติ.

paṭibhantu taṃ cunda bojjhaṅgāti.

"Let the factors of awakening come to mind for you, Cunda."

สัตติเม ภันเต โพชฌังคา ภะคะวะตา สัมมะทักขาตา ภาวิตา พะหุลีกะตา, อะภิญญายะ สัมโพธายะ นิพพานายะ สังวัตตันติ.

sattime bhante bojjhaṅgā bhagavatā sammadakkhātā bhāvitā bahulīkatā, abhiññāya sambodhāya nibbānāya saṃvattanti.

"Venerable sir, these seven factors of awakening, rightly declared by the Blessed One, developed and made much of, lead to direct knowledge, to full awakening, to Nibbāna.

กะตะเม สัตตะ

katame satta

Which seven?"

สะติสัมโพชฌังโค โข ภันเต ภะคะวะตา สัมมะทักขาโต ภาวิโต พะหุลีกะโต, อะภิญญายะ สัมโพธายะ นิพพานายะ สังวัตตะติ.

satisambojjhaṅgo kho bhante bhagavatā sammadakkhāto bhāvito bahulīkato, abhiññāya sambodhāya nibbānāya saṃvattati.

"The factor of awakening that is mindfulness, venerable sir, rightly declared by the Blessed One, developed and made much of, leads to direct knowledge, to full awakening, to Nibbāna.

ธัมมะวิจะยะสัมโพชฌังโค โข ภันเต ภะคะวะตา สัมมะทักขาโต ภาวิโต พะหุลีกะโต, อะภิญญายะ สัมโพธายะ นิพพานายะ สังวัตตะติ.

dhammavicayasambojjhaṅgo kho bhante bhagavatā sammadakkhāto bhāvito bahulīkato, abhiññāya sambodhāya nibbānāya saṃvattati.

The factor of awakening that is investigation of states, venerable sir, rightly declared by the Blessed One, developed and made much of, leads to direct knowledge, to full awakening, to Nibbāna.

วิริยะสัมโพชฌังโค โข ภันเต ภะคะวะตา สัมมะทักขาโต ภาวิโต พะหุลีกะโต, อะภิญญายะ สัมโพธายะ นิพพานายะ สังวัตตะติ.

vīriyasambojjhaṅgo kho bhante bhagavatā sammadakkhāto bhāvito bahulīkato, abhiññāya sambodhāya nibbānāya saṃvattati.

The factor of awakening that is energy, venerable sir, rightly declared by the Blessed One, developed and made much of, leads to direct knowledge, to full awakening, to Nibbāna.

ปีติสัมโพชฌังโค โข ภันเต ภะคะวะตา สัมมะทักขาโต ภาวิโต พะหุลีกะโต, อะภิญญายะ สัมโพธายะ นิพพานายะ สังวัตตะติ.

pītisambojjhaṅgo kho bhante bhagavatā sammadakkhāto bhāvito bahulīkato, abhiññāya sambodhāya nibbānāya saṃvattati.

The factor of awakening that is rapture, venerable sir, rightly declared by the Blessed One, developed and made much of, leads to direct knowledge, to full awakening, to Nibbāna.

ปัสสัทธิสัมโพชฌังโค โข ภันเต ภะคะวะตา สัมมะทักขาโต ภาวิโต พะหุลีกะโต, อะภิญญายะ สัมโพธายะ นิพพานายะ สังวัตตะติ.

passaddhisambojjhaṅgo kho bhante bhagavatā sammadakkhāto bhāvito bahulīkato, abhiññāya sambodhāya nibbānāya saṃvattati.

The factor of awakening that is tranquillity, venerable sir, rightly declared by the Blessed One, developed and made much of, leads to direct knowledge, to full awakening, to Nibbāna.

สะมาธิสัมโพชฌังโค โข ภันเต ภะคะวะตา สัมมะทักขาโต ภาวิโต พะหุลีกะโต, อะภิญญายะ สัมโพธายะ นิพพานายะ สังวัตตะติ.

samādhisambojjhaṅgo kho bhante bhagavatā sammadakkhāto bhāvito bahulīkato, abhiññāya sambodhāya nibbānāya saṃvattati.

The factor of awakening that is concentration, venerable sir, rightly declared by the Blessed One, developed and made much of, leads to direct knowledge, to full awakening, to Nibbāna.